Plaketten 2023
"S Ämmali im Schuss" Ämmer Fasnachtsplakette 2023 – entworfen von Vanessa Flühler
Gravur-Sponsor 2023:
Plaketten – Verkaufsorte 2023:
- Blumen Galliker
- Drogerie Meister
- Raiffeisenbank Sprengi
- Bäckerei Emma’s Sonnenplatz
- Bäckerei Emma’s Schützenmattstrasse
- Blumen Suter
- Hallenbad Mooshüsli
- Coiffeur Tanya Buser
- Chapbebarr
- Coiffeuer Gerliswilstrasse
- Sager Velos Motos
- Kirche St. Mauritius
- Kirche Gerliswil
Mit dem Erlös der Plaketten finanziert das EFK den grossen Umzug mit. Wir bedanken uns bestens für Ihren Beitrag!
Plakettengeschichte
Nach all dere schwerige Ziit, heds Ämmali alli ehri Frönde welle gseh.
Es groosses Fäscht sels wärde ond es het flissig e di ganzi Wält Iladige verscheckt.
D’Party vom Johrhondert sell em Gaugewaud z’Ämmebrogg stiige.
Nor eis Problem esch entstande.
Em Gaugewaud esch ned gnueg Platz för alli Gstalte.
S’Ämmali hed den hin ond här öberleit, wo d’Party etz ächt sel stattfende.
Aber hoppla, do geht’s doch no e magische Ort bem Riffigwald, chonnt em Ämmali plötzlech e Senn.
S’Baraggedörfli esch doch de rechtig Platz dört fendet amigs au d’Plaketteabgab vom Ämmer Fasnachtskomitee statt. Mänge red no s ganze Jahr devo. Oder hed ke Erninnerige meh drah.
Äs dänkt: Der Kluge fährt im Zuge! Ond het of d’Iladige gschrebe: Usstige z’Ämmebrogg Kapf!
Einisch, wos scho fascht donkel gsi esch, louft s’Ämmeli di ganz langi Strecki vom Gaugewaud zom Riffigwald.
Aber z’Roteborg esch äs fescht verschrocke.
Was het’s dört gseh? Chum zom gloube! D’SBB-Hautstell heisst jo gar net Ämmebrogg Kapf, sondern Roteborg Dorf!
Äs het gsirached, gschampfet vor Wut ond esch ganz rot agloffe em Gsecht.
Das cha jo ned wohr si, do esch agschrebe Roteborg Dorf, ond das z’Ämmebrogg
E de Verröckti riist äs s’Stationsscheld abe ond verschmätteret’s of em Bode.
Emmer no ufbrocht, schriibt äs dr SBB e ganz böse Brief und leid e Charte vom Ämme bi.
Das goht doch ned, e SBB-Hautstell z’Ämmebrogg wo Roteborg Dorf heisst! Gross und dick het si ufe Brief gschribe um Antwort wird gebeten.
S’Ämmeli esch fascht vergitzlet for Warte ond het scho bald äberleid, ob es ächt es Gfängnis chont, Wel sie s’Stationsscheld kapott gmacht het.
Es esch e chli Ziit vergange, ond s’nöchscht Mol, wo’s e Riffigwald loufft, es esch scho Dezämber gsi, send em fascht d’Ouge zom Chopf us gheit
Do stoht jo jetz be de SBB-Hautstell «Ämmebrogg Kapf»
Judihui das isch rüüdig guet heds Ämmeli gjubled-
z’frede esch äs wiitergloffe ond scho bald em Riffigwaud verschwonde!
Mer seid mer hebbi s Ämmeli rund ums Baragedörfli gseh fäschte und fiire mit all ehren Gladnige Gstalte